Silviu Stoica frá Rúmeníu kom fyrstur í mark í Reykjarvíkurmaraþoninu sem fór fram í morgun. Hann kom í mark á tímanum 2:29:27, og var næstum þremur mínútum fljótari en næsti hlaupari á eftir.

Fyrstur Íslendinga var Sigurjón Ernir Sturluson á tímanum 2:38:25, en þremur sekúndum á eftir honum var Grétar Örn Guðmundsson.

Fyrst kvenna var Íslandsmeistarinn Andrea Kolbeinsdóttir á tímanum 2:42:15, en hún var einnig fyrst kvenna í hlaupinu í fyrra.