Forráðamenn þýska knattspyrnufélagsins Union Berlín hafa rekið Króatann Nenad Bjelica frá starfi, en hann hefur stýrt karlaliði félagsins undanfarið hálft ár.
Ákvörðunin var tekin eftir 4:3-tapið á heimavelli gegn Bochum í gær, en Union er í mikilli fallbaráttu þegar tvær umferðir eru eftir af deildinni og hefur tapað fjórum leikjum af síðustu fimm.
Tímabilið hefur verið mikil vonbrigði hjá Union, sem endaði í fjórða sæti á síðustu leiktíð og tryggði sér sæti í Meistaradeild Evrópu.
Nú er liðið í 15. sæti með 30 stig eftir 32 leiki, einu stigi fyrir ofan Mainz sem er í fallumspilssæti.