Ljósmyndum af hótelherbergi Stephen Paddock í Los Angeles hefur verið lekið í að minnsta kosti tvo fjölmiðla. Á þeim sjást rifflar og skothylki á gólfinu og einnig það sem lítur út fyrir að vera handskrifað bréf.

Myndirnar birtust hjá Boston 25 sjónvarpsstöðinni og í þýska tímaritinu Bild.

Lög­reglu­stjór­inn í Las Vegas, Joseph Lomb­ar­do, staðfesti að í íbúðinni á hótelinu hafi verið myndavélar. Einni þeirra var beint að hótelganginum. Á sömu myndum sést sundurskotin hurð en  Paddock hæfði einn hótel starfsmann í fótinn þegar hann hugðist líklega brjóta sér leið inn í herbergi hans.

Á einni myndinni sjást fætur Paddock við hlið tveggja riffla og á nálægu borði er fyrrgreint handskrifað bréf. Í herberginu fundust 23 skotvopn.

Heimili Stephen Paddock í Mesquite í Nevada. AFP

Tengdar fréttir

Skotárás í Las Vegas

Fórnarlömbin fá 100 milljarða í bætur

• Steypti sér í skuldir fyrir skotárásina
• Innrás lögreglu í svítu Paddocks
• Vill banna búnað fyrir riffla
• Kærastan verður líklega ekki ákærð

» Fleiri tengdar fréttir

• Blogga um frétt