Ísraelar hefja ákafar loftárásir á Rafah
Að sögn fréttaritara AFP hafa loftárásirnar verið viðstöðulausar síðan þær hófust.
AFP
Setja bókamerki
Ísraelsher hefur hafið ákafar loftárásir á austurhluta Rafah-borgar í suðurhluta Gasa, samkvæmt fréttaritara AFP.
Sagði fréttaritarinn, laust fyrir klukkan 19 að íslenskum tíma, að árásirnar hefðu verið viðstöðulausar síðasta hálftímann.
Ísraelsk stjórnvöld biðluðu til íbúa að rýma austurhluta borgarinnar fyrr í dag vegna fyrirhugaðrar árásar en um 1,2 milljónir Palestínumanna hafa leitað skjóls í borginni.
Viðræður um vopnahlé eru á viðkvæmu stigi eins og er en leiðtogar Hamas hafa samþykkt vopnahléstillögu sáttarsemjara frá Katar og Egyptalandi. Brutust í kjölfarið út mikil fagnaðarlæti meðal Palestínumanna. Var það skömmu áður en árásirnar hófust.
Ísrael hafnaði fyrri vopnahléstillögu sáttarsemjaranna í gær.
Veita fyrirtækjum brú yfir óvissutímabil
Fordæmir leyndarhyggju í skólamálum
Vantar fólk: „Þetta er gaman en það er ekki nóg“
Fann bein og tönn úr dýrum í sprungunni
Lögregla hafi hvatt til afturköllunar kæru
Rannsaka drómasýki í hestum
Kostnaðurinn nemur allt að þremur milljörðum