Óskar jafnaði leikjamet Gunnleifs
Setja bókamerki
Óskar Örn Hauksson jafnaði sögulegt met í íslenskum fótbolta þegar hann kom inn á sem varamaður hjá Víkingi gegn Fram í Bestu deild karla í Úlfarsárdalnum í kvöld.
Óskar, sem spilaði sinn fyrsta deildarleik fyrir Víking, jafnaði leikjametið í íslensku deildakeppninni í karlaflokki en þetta var hans 439. leikur í öllum deildum Íslandsmótsins.
Með því jafnaði hann við markvörðinn Gunnleif Gunnleifsson sem lék 439 deildaleiki og hefur átt leikjametið frá árinu 2019.
Gunnleifur lék 304 leiki í efstu deild með KR, Keflavík, HK, FH og Breiðabliki og 135 leiki í neðri deildum með HK og KVA.
Óskar á jafnframt leikjametið í efstu deild, spilaði þar sinn 374. leik gegn Víkingi, en hefur jafnframt leikið 65 leiki í neðri deildunum með Njarðvík og Grindavík. Í efstu deild lék Óskar lengst með KR en einnig með Grindavík og Stjörnunni áður en hann kom til liðs við Víkinga fyrir þetta tímabil. Hjá þeim er hann bæði í hlutverki styrktarþjálfara og leikmanns.
Annar stór áfangi Óskars
Óskar náði öðrum áfanga í kvöld því leikurinn gegn Víkingi var hans 450. deildaleikur á ferlinum, heima og erlendis. Auk leikjanna 439 hér á landi hefur hann spilað 11 leiki í deildakeppni erlendis, í Noregi og Kanada. Hann er aðeins átjándi íslenski knattspyrnumaðurinn í sögunni sem nær að spila 450 deildaleiki á ferlinum.
Aðeins fimm knattspyrnumenn hafa leikið 400 deildaleiki eða fleiri með íslenskum liðum og þeir eru eftirtaldir:
439 Gunnleifur Gunnleifsson
439 Óskar Örn Hauksson
424 Gunnar Ingi Valgeirsson
408 Hjörtur Júlíus Hjartarson
400 Mark Duffield
„Mjög ánægður með útkomuna“
Verið að búa til „óánægju og kergju“
Hjólandi fjölgar hægt en örugglega
Innviðagjald skili 30 milljörðum
Ökuníðingur enn í haldi – „Mildi að ekki fór verr“
Gosopið gæti stækkað á ný: „Eitthvað í aðsigi“
11 verða í framboði til embættis forseta Íslands