Fjórir geimfarar yfirgáfu Alþjóðlegu geimstöðina, ISS, í dag og lögðu af stað til jarðar eftir rúmlega sex mánaða leiðangur.
Hópurinn, sem bandaríski geimfarinn Jasmin Moghbeli leiðir, lagði af stað út í geiminn í ágúst síðastliðnum í geimfari SpaceX, Crew Dragon.
Sama geimfarið lagði af stað heim á leið í morgun. Einnig eru um borð Andreas Mogensen frá Danmörku, Satoshi Furukawa frá Japan og Konstantin Borisov frá Rússlandi.
Geimferðastofnun Bandaríkjanna (NASA) og Space X reikna með því að hópurinn lendi undan ströndum Flórída um hálftíuleytið í fyrramálið.