Allir starfsmenn Íslandsbanka fá 100 þúsund krónur í sumargjöf.

Hjá bankanum starfa um 700 starfsmenn og nemur heildarupphæðin því nærri 70 milljónum króna.

Edda Hermannsdóttir, upplýsingafulltrúi bankans, staðfesti þetta við mbl.is og bætti því við að þessi háttur hefði verið hafður á undanfarin ár.

Íslenska ríkið á 42,5% í Íslandsbanka.

Bankastjórinn vildi ekki tjá sig

Þessar fregnir berast á sama tíma og vart verður við aukna verðbólgu í landinu og að mikil útgjöld ríkisins hafa verið gagnrýnd. 

Jón Guðni Ómarsson, bankastjóri Íslandsbanka, vildi ekki tjá sig um slíkar afleiðingar gjörningsins.

Tengdar fréttir

Sala á hlut ríkisins í Íslandsbanka

Leggja fram vantrauststillögu í næstu viku

• „Við þurfum að selja banka“
• Óttast ráðstöfun andvirðis sölunnar
• Sala á Íslandsbanka geti skilað 100 milljörðum
• Sumargjöfin „blaut tuska“ í andlit almennings

» Fleiri tengdar fréttir

• Blogga um frétt