Fjórir drepnir í loftárás Rússa á Karkív
Setja bókamerki
Fjórir voru drepnir og ellefu særðust í loftárásum Rússa á næststærstu borg Úkraínu, Karkív, í nótt.
Á meðal þeirra sem dóu voru þrír viðbragðsaðilar eftir loftárás á íbúðabyggingu, að sögn Igors Terekhov, borgarstjóra Karkív.
Fjórða manneskjan var drepin í drónaárás á aðra byggingu, sagði hann. Að sögn lögreglunnar var þar á ferðinni 68 ára kona.
Ríkisstjóri Karkív-héraðs, Oleg Synegubov, sagði að rússneskar hersveitir hefðu sett á loft „að minnsta kosti 15 dróna”, sem sumir hefðu verið skotnir niður.
Rússar gera árásir á úkraínskar borgir nánast á hverri nóttu. Reglulega eru gerðar árásir á Karkív, sem er nálægt landmærunum að Rússlandi í norðaustri.
Úkraínskir embættismenn hafa hvatt þjóðir sem eru hliðhollar Úkraínu til að útvega fleiri loftvarnakerfi, sérstaklega Patriot-kerfin frá Bandaríkjunum.
60 milljarða dollara hernaðaraðstoð frá Bandaríkjunum til Úkraínu bíður enn samþykkis Bandaríkjaþings.
„Verulega brugðið að sjá þennan þátt“
Hvatinn ekki sá sami
40 skjálftar í kvikuganginum
Hyggst halda sauðfé á Bessastöðum
Segja ekkert komið fram sem sanni sök flugmannsins
Isavia hlaut ekki meðbyr í Hæstarétti
Vinna hafin við gerð nýs varnargarðs
Ísraelsher með stjórn á landamærum