Hjálpartæki ástarlífsins fyrir milljarð

Gerður Huld Arinbjarnardóttir fann sig ekki í námi. En hún fann gat á íslenska markaðnum fyrir kynlífshjálpartæki. Frá því að hún stofnaði Blush hefur hún selt vörur fyrir meira en milljarð króna.

Verslun Blush í Kópavogi er öll hin glæsilegastsa en fyrirtæki hyggur þó á flutninga á nýju ári. Morgunblaðið/Eggert Jóhannesson

„Ég fór að bera Ísland saman við aðra markaði, og sá að það var gat á markaðnum á Íslandi. Hér voru engar flottar kynlífsvörur í boði. Í fyrstu var hugmyndin ekki að fara sjálf út í svona resktur, en það æxlaðist þannig. Ég hugsaði sem svo að ef mér fyndist eitthvað vanta væri ekki ólíklegt að öðrum fyndist það líka. Einkenni á góðri viðskiptahugmynd er einmitt að átta sig á því að það sé raunverulegur skortur á vörunni.“

Frétt af mbl.is

Kynhvötin er hluti af mannlegu eðli

Fyrirtækið sem Gerður Huld hefur byggt upp á síðustu árum er nú á lista yfir framúrskarandi fyrirtæki Creditinfo og fyrirtækinu vex enn ásmegin. Segir hún að tekjuvöxturinn á þessu ári nemi um 30%. Þá er stefnan sett á að flytja verslunina úr Kópavogi og í glæsilegt verslunarrými í Reykjavík á næsta ári.

Jóladagatölin rjúka út

En það var handagangur í öskjunni þegar blaðamaður ræddi við Gerði því nú er hún ásamt samstarfsfólki sínu að undirbúa jóladagatöl til sölu.

„Við erum að drukkna í jóladagatölum í versluninni eins og er. Við höfum alltaf selt á bilinu 1.200-1.500 dagatöl fyrir jólin en stefnum á tvö þúsund í ár.“

Heildarlistann yfir fyrirtækin 842 sem teljast framúrskarandi 2020 má finna hér.

• Blogga um frétt