Óholl loftgæði mælast við Bláa lónið, sem er lokað fyrir vikið og opnar ekki aftur fyrr en kl. 14. Mengunin kemur frá eld­gos­inu í Sun­hnúkagígaröðinni.

„Það er að koma mikil gasmengun frá þessu gosi. Veðrið, vindáttin og vindurinn eru það sem er að stafa að þessari mengun,“ segir Bryn­dís Ýr Gísla­dótt­ir, náttúruvársérfræðingur hjá Veður­stofu Íslands, í samtali við mbl.is.

Mælar Umhverfistofnunar sýna brennisteinsmengun nálægt lóninu. Til þess að loftgæði teldust góð þyrfti mengunin að mælast minni en 350 míkrógrömm á rúmmetra, helst engin að sjálfsögðu.

„Þar sem veðurskilyrði eru óhagstæð í dag, sunnudaginn 14. apríl, og hafa mögulega neikvæð áhrif á loftgæði verða allar okkar starfsstöðvar lokaðar til kl. 14,“ segir í tilkynningu á vef Bláa lónsins.

Lónið þurfti einnig að loka vegna mengunar fyrr í vikunni.

Frétt af mbl.is

Bláa lónið lokað í dag vegna gasmengunar

Frá eldgosinu. Mynd tekin 7. apríl. Ljósmynd/Hörður Kristleifsson

Tengdar fréttir

Eldvirkni á Reykjanesskaga

Líklegt að það dragi til tíðinda í þessari viku

• Gæti færst meiri kraftur í eldgosið
• Gosopið gæti stækkað á ný: „Eitthvað í aðsigi“
• Virknin færist í aukana innan 48 tíma
• Sennilega gróðureldur, ekki ný sprunga

» Fleiri tengdar fréttir

• Blogga um frétt