Líklegt að það dragi til tíðinda í þessari viku
Setja bókamerki
Þorvaldur Þórðarson eldfjallafræðingur telur grynnra kvikuhólfið undir Svartsengi vera komið að þolmörkum.
Gæti framleiðni gossins við Sundhnúkagígaröðina aukist úr þremur rúmmetrum á sekúndu í sex rúmmetra á næstu dögum að sögn Þorvaldar, sem tekur þó fram að einungis sé um kenningu að ræða.
Hægst á landrisinu
Magn kviku sem bæst hefur við kvikuhólfið frá því að eldgosið hófst 16. mars eru tíu milljónir rúmmetrar.
Eru nú merki um að dregið hafi úr hraða landrissins við Svartsengi, sem hefur verið undanfari kvikuhlaups fram til þessa.
„Þá má fara að búast við að eitthvað fari að gerast,“ segir Þorvaldur sem telur þó kvikuhlaup ekki endilega einu mögulegu útkomuna.
Þannig komi einnig til greina að grynnra kvikuhólfið undir Svartsengi einfaldlega fyllist og sitji fullt, án þess að til kvikuhlaups komi, og að kvikan frá dýpra kvikuhólfinu renni beint upp til yfirborðs, án viðkomu í grynnra kvikuhólfinu.
Ætti því meiri kvika að koma upp á yfirborðið, en kenning jarðvísindamanna um þessar mundir er sú að kvikan renni annars vegar í grynnra kvikuhólfið og hins vegar til yfirborðs, þ.a. aðeins hluti kvikunnar velli nú upp úr gígnum.
Einnig gæti þó komið til þess að grynnra kvikuhólfið tæmi sig, eins og áður hefur gerst. Myndi þá kvikan að öllum líkindum einnig leita upp til yfirborðs í gegnum gosrásina sem nú er virk.
Stækkun goskerfis líklegri en nýtt eldgos
Ef magn kvikunnar sem rennur í gegnum gosrásina eykst gæti verið að nýir gígar opnist og að núverandi gígakerfi stækki.
Þorvaldur telur ólíklegt að kvikan brjóti sér leið upp á öðrum stað og að nýtt eldgos hefjist. Það sé þó ekki hægt að útiloka það.
Hann telur að það dragi til tíðinda á næstu dögum, í þessari viku.
„Bíð bara eftir að það fari að gjósa aftur“
Segir forseta þingsins segja ósatt frá fundinum
Opin fyrir almennri kosningu biskups
„Mjög miður að af þessu hljótist kostnaður“
Kemur ekki til greina að semja við ESB
Þakklátur Kínverjum fyrir friðarumleitanir
Útlendingafrumvarpið á dagskrá á morgun