Besti bíll í heimi hefur enn ekki selst
Stefán E. Stefánsson
Setja bókamerki
Þegar Nadine Guðrún Yaghi var spurð út í það í Spursmálum hver yrði stærsta frétt komandi viku taldi hún víst að það yrði frétt um að bíllinn hennar hafi selst. Sala þessa ósköp venjulega fjölskyldubíls hefur ratað í fjölmiðla, ekki síst fyrir þær sakir að verðandi eiginmaður Nadine, Snorri Másson, fjölmiðlamaður, lýsti því hátíðlega yfir að um væri að ræða besta bíl í heimi.
Engum sögum fer af íhlutun Neytendastofu vegna hinnar digurbarkalegu yfirlýsingar Snorra, en fullyrðing hans virðist þó ekki hafa nægt til þess að spenntir kaupendur flykktust á bílasöluna þar sem hinn silfurlitaði Mitsubishi Outlander er auglýstur til sölu.
Einnig í bílahugleiðingum
Þórhildur Þorkelsdóttir, fyrrum fjölmiðlakona, var gestur þáttarins ásamt Nadine og upplýsti þar að hún væri í bifreiðarleit. Ekki virðist gylliboð Snorra hafa hreyft við henni en hún segist þó vera í leit að „blendingi“ sem henti vel fyrir fjölskylduna.
Viðtalið við Þórhildir og Nadine má sjá og heyra í heild sinni í spilaranum hér fyrir neðan:
Telur forsendur fyrir vaxtalækkun
Forsetinn líti yfir axlirnar á þingheimi
Skaut sex sinnum að feðginum á aðfangadagskvöld
Krefjast stöðvunar framkvæmda
Strand skemmtiferðaskips kallar á erlenda aðstoð
Vonast til að tjaldbúðir við HÍ standi áfram
Hvorki sést áður hér á landi né annars staðar