Heilbrigðiseftirlitið mælir daglega magn saurgerla í sjónum á svæðinu við Faxaskjól og víðar í kjölfar bilunar í dælustöðinni. Neyðarlúga dælustöðvarinnar er enn lokuð og ekki stendur til að opna hana fyrr en eftir helgi.

Mælingarnar miða við að saurgerlar fari ekki yfir það magn sem segir í reglugerð um baðstaði í náttúrunni. Miðað er við að á baðstöðum í flokki 3 fari fjöldi saurkólígerla ekki yfir 500/100 ml og enterokokkar ekki yfir 185/100ml.

Niðurstöður sem heilbrigðiseftirlitið hefur birt sýnir tölur tvo til þrjá daga aftur í tímann og mældust saurgerlar á miðvikudaginn á öllum svæðunum undir viðmiðunarmörkum.

Vegna bilunar í neyðarlúgu í fráveitukerfinu fór skólp út í sjó við Faxaskjól í Reykjavík. Neyðarlúga dælustöðvarinnar liggur enn niðri og mun gera það fram yfir helgi þar til frekari ráðstafanir verða gerðar varðandi viðgerðir. Enn lekur með lúgunni. 

Frétt af mbl.is

„Það var rosalega mikill klósettpappír“

Fyrr í vikunni unnu Veitur að því hreinsunarstörfum í fjörunni við Faxaskjól en mikið rusl sem hent hefur verið í klósett hefur skolast upp í fjörur í nágrenninu. Þar á meðal voru blautþurrkur, eyrnapinnar, bindi og fleira sem hreinsa þurfti úr fjörunni sem aðgengilegur er almenningi. Í framhaldinu verður farið í meiri hreinsun. Þetta kemur fram á vef Veitna.

Tengdar fréttir

Skólpmengun við Faxaskjól

Óhreinsað skólp rann út í sjó

• Öflug vöktun vegna óhreinsaðs skólps
• Dagur ekki ábyrgur fyrir skólpleka
• Skólp fer í sjóinn í átta daga
• Klósettið er ekki ruslafata

» Fleiri tengdar fréttir

• Blogga um frétt