Eiginkona Masterson hefur sótt um skilnað
Setja bókamerki
Tengdar fréttir
Stjörnur skilja
/frimg/1/47/48/1474822.jpg)
Bandaríska leikkonan Bijou Phillips hefur sótt um skilnað frá eiginmanni sínum, leikaranum Danny Masterson. Leikarinn var nýverið dæmdur í 30 ára fangelsi fyrir að nauðga tveimur konum snemma á þessari öld.
Samkvæmt dómsskjölum sem Phillips lagði fram á mánudag kemur fram að ástæða skilnaðar sé óásættanlegur ágreiningur og að leikkonan fari fram á fullt forræði yfir níu ára gamalli dóttur hjónanna.
Phillips og Masterson voru gift í tæplega 12 ár, en þau gengu í hjónaband í október 2011.
Phillips var við hlið eiginmanns síns í gegnum réttarhöldin og var viðstödd dómsuppkvaðningu fyrr í þessum mánuði. Heimildarmaður People hafði eftir Phillips aðeins nýverið að hún hygðist ekki ætla að skilja við eiginmann sinn þar sem hún trúði á sakleysi hans og elskaði eiginmann sinn.
Masterson, sem er hvað þekktastur fyrir að fara með hlutverk í That 70’s Show, var dæmdur fyrir að nauðga tveimur konum á heimili sínu í Hollywood Hills árin 2001 og 2003.
Hann var einnig kærður fyrir að nauðga einni annarri konu en kviðdómurinn taldi að ekki væri hægt að sanna það með nógu góðum sönnunargögnum.
Tengdar fréttir
Stjörnur skilja
„Farnir að halda verðbólgunni uppi“
„Öðruvísi hefði nafnið ekki farið á samninginn“
Verðbólgan þrálátari en gert hafði verið ráð fyrir
Kristrún og Bjarni tókust hart á um efnahagsmálin
Hættu við vopnasendingu til Ísraels
„Hætta á því að það dragi úr samstöðunni“