Laufey geislaði á Met Gala
Setja bókamerki
Tengdar fréttir
Einn stærsti tískuviðburður ársins, The Met Gala, var haldinn í gær á Metropolitan-safninu í New York-borg. Margar af frægustu stjörnum í heimi mættu og gengu rauða dregilinn, sem var að vísu myntugrænn á litinn, klæddar glæsilegum og eftirtektarverðum flíkum.
Þemað í ár var Sleeping Beauties: Reawakening Fashion og mátti sjá margar skemmtilegar útfærslur á því.
Tónlistarkonan Laufey Lín Bing Jónsdóttir var meðal gesta á viðburðinum, en Anna Wintour, ritstjóri tískutímaritsins Vogue, stjórnar gestalistanum og hefur gert lengi. Wintour býður útvöldum einstaklingum úr heimi menningar og lista sem hafa skarað fram úr og vakið einstaka athygli á síðastliðnu ári.
Laufey var stórglæsileg í ferskjulituðum síðkjól frá hönnuðinum Prabal Gurung, en Laufey gekk dregilinn ásamt Gurung og stilltu þau sér upp fyrir ljósmyndara. Tónlistarkonan ljómaði og vakti ómælda athygli viðstaddra.
Laufey er orðin þrælvön að ganga rauða dregilinn, en hún tók meðal annars við Grammy-verðlaunum fyrr á þessu ári íklædd glæsilegum kjól frá franska tískuhúsinu Chanel.
Tengdar fréttir
Lögregla hafi hvatt til afturköllunar kæru
Tímaspursmál hvenær framleiðslu verði hætt
Kostnaðurinn nemur allt að þremur milljörðum
„Þær áttu bara að læra sína lexíu“
Vantar fólk: „Þetta er gaman en það er ekki nóg“
Fannari líst ágætlega á aðgerðirnar
„Trúlega rákumst við saman“
Rannsaka drómasýki í hestum