Finnbjörn A. Hermannsson, forseti Alþýðusambands Íslands, segir að ákvörðun peningastefnunefndar Seðlabankans um að halda óbreyttum stýrivöxtum fari ekki vel í sig. 

„Ég reiknaði með því að Seðlabankinn mundi styðja stefnuna sem við vorum að móta í kjarasamningum og lækka vextina,“ segir Finnbjörn við mbl.is þegar leitað var eftir viðbrögðum hans um ákvörðun peningastefnunefndarinnar.

Finnbjörn segir að það liggi alveg fyrir að stýrivextirnir séu farnir að halda verðbólgunni uppi en hún mældist 6 prósent í síðasta mánuði.

Frétt af mbl.is

Stýrivextir Seðlabankans óbreyttir

„Ég óttast að peningastefnunefndin sé farin að ýta undir með þeim sem eru að dæla hækkunum út í verðlagið og væntingastjórnunin sé í öfuga átt við það sem ég hefði vonað að hún hefð verið með. Ef vextir hefðu verið lækkaðir þá tryði peningastefnunefndin á þessa stefnu sem við erum að feta,“ segir Finnbjörn.

Fiinbjörn segir að ákvörðun peningastefnunefndarinnar sé mikið högg fyrir íslensk heimili og fyrirtæki í landinu.

Frétt af mbl.is

„Það er verið að slátra íslenskum heimilum“

„Þetta voru ekki góð skilaboð frá Seðlabankanum og ég mjög ósáttur með þessa ákvörðun eins og megin þorri þjóðarinnar hlýtur líka að vera það. Þetta er högg fyrir heimilin í landinu og fyrirtækin,“ segir Finnbjörn en miðstjórn Alþýðusambandsins mun funda í dag um þessi mál.

Tengdar fréttir

Vextir á Íslandi

Stefnir í minni launahækkanir á næstu árum

• Allar líkur á að Seðlabankinn lækki næst vexti
• Telja forsendur til að lækka vexti
• Kristrún og Bjarni tókust hart á um efnahagsmálin
• „4-5% gólf sem við verðum bara að brjótast í gegnum“

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Vextir.