Skoski leikarinn Brian McCardie, sem er best þekktur fyrir hlutverk sitt í spennuþáttaröðinni Line Of Duty, er látinn 59 ára að aldri.
Leikarinn varð bráðkvaddur á heimili sínu á sunnudag.
Systir McCardie greindi frá andláti leikarans á samfélagsmiðlinum X.
„Það er með mikilli sorg að við tilkynnum um andlát Brian James McCardie. Hann var ástkær sonur, bróðir, frændi og kær vinur margra,“ stóð í færslunni. Samúðarkveðjum rigndi inn á samfélagsmiðla í kjölfarið.
McCardie var ókvæntur og barnlaus.