Sigurður Örn Ágústsson hefur verið ráðinn sem framkvæmdastjóri viðskiptaþróunar hjá flugfélaginu Play. Áður starfaði hann meðal annars sem forstjóri fraktflugfélagsins Bláfugls.

Þetta kemur fram í tilkynningu frá Play.

Viðskiptaþróunarsviðið er nýtt svið hjá Play en Sigurður mun hafa það hlutverk að leiða frekari þróun þvert á öll svið flugfélagsins.

Sigurður var áður forstjóri og stjórnarformaður Bláfugls ásamt því að sitja í stjórn Avion Express.

Þá kemur fram í tilkynningunni að hann hafi átt stóran þátt í samningaviðræðum og undirbúningi nokkurra stórra fyrirtækjakaupa fyrir Avia Solutions Group, þar með talið Avion Express, SmartLynx og Bláfugl.

Tengdar fréttir

Flugfélagið Play

Hefja nýtt hlutafjárútboð í dag

• „Himinn og haf þarna á milli“
• Tekjur Play aukast en áfram tap af rekstri
• Vonar að gosið vari fram á haust
• Play slær farþegamet

» Fleiri tengdar fréttir

• Blogga um frétt