Skiptafundur þrotabús flugfélagsins Primera Air fór fram á föstudag en búið var tekið til gjaldþrotaskipta í október 2018.

Eiríkur Elís Þorláksson skiptastjóri segir í samtali við ViðskiptaMoggann að skiptum sé lokið og málið leitt til lykta. Almennar kröfur í búið námu tæpum 3,7 milljörðum króna. Alls fengust 259 milljónir greiddar upp í veðkröfur.

Arion stærsti kröfuhafinn

Ein samþykkt forgangskrafa var greidd en hún nam 230 þúsundum. Upp í samþykktar almennar kröfur greiddust rúmar 168 milljónir króna eða 4,57%. Kröfurnar verða greiddar með reiðufé.

Stærsti kröfuhafi búsins var Arion banki en þar á eftir erlend fyrirtæki á borð við flugvélaleigur og eldsneytissala. Eins og greint var frá á mbl.is árið 2019, þá bókfærði Arion banki þriggja milljarða tap vegna gjaldþrotsins.

Tengdar fréttir

Primera Air

Leggja til að ljúka ágreiningsmálum

• Primera tvöfaldar flugvélaflotann
• Vinnustöðvun gegn Primera ólögmæt
• Seinkun vegna tæknibilunar hjá Primera
• Sækja bætur vegna seinkunarinnar

» Fleiri tengdar fréttir