Erfingi Samsung-veldisins, Lee Jae-Yong, er með stöðu sakbornings í spillingarmáli sem skekur Suður-Kóreu þessa dagana. Þing Suður-Kóreu samþykkti 9. desember að kæra forseta landsins, Park Geun-Hye, í tengslum við málið og fer forsætisráðherra landsins, Hwang Kyo-Ahn, með embættisstörf hennar á meðan rannsókn stendur yfir.
Choi Soon-Sil, uppnefnd „Raspútín Kóreu“, sem var trúnaðarvinkona forsetans, Park Geun-Hye, er sökuð um að hafa notfært sér samband þeirra til að knýja fram fjárframlög að andvirði sjö milljarða króna frá fyrirtækjum, m.a. Samsung, til stofnunar sem hún stjórnar.
Lee er varaformaður stjórnar Samsung Electronics og sonur stjórnarformanns Samsung Group, Lee Kun-Hee, verður yfirheyrður sem „grunaður“ í tengslum við múturnar, að sögn saksóknara í dag. Yfirheyrslurnar hefjast í fyrramálið og Lee er með stöðu sakbornings, segir Lee Kyu-Chul, talsmaður séstakra saksóknara sem rannsaka málið.