Skallagrímur vann öruggan sigur á Þór frá Akureyri, 99:73, þegar liðin áttust við í fjórða leik undanúrslita umspils um laust sæti í úrvalsdeild karla í körfuknattleik á Borgarnesi í kvöld.
Liðin mætast því í oddaleik á Akureyri á laugardag um hvort þeirra fer í úrslitaeinvígið um lausa sætið í úrvalsdeildinni.
Jafnræði var með liðunum í fyrri hálfleik en var Skallagrímur með nauma forystu, 43:38, í hálfleik.
Í síðari hálfleik tóku heimamenn leikinn yfir, juku forskotið jafnt og þétt og unnu að lokum sannfærandi 26 stiga sigur.
Magnús Engill Valgeirsson var stigahæstur í leiknum með 25 stig fyrir Skallagrím. Darius Banks bætti við 19 stigum, níu fráköstum og sjö stoðsendingum.
Stigahæstur hjá Þór var Jason Gigliotti með 18 stig og fimm fráköst.