Færeysk skúta sem byggð var árið 1884, tíu árum eftir fyrstu Þjóðhátíðina, kom til hafnar í Vestmannaeyjum í fyrradag. Áhafnarmeðlimir skemmtu þjóðhátíðargestum sem áttu leið um Friðarhöfnina í gær með söng og buðu í grill.

Siglingin frá Suðurey í Færeyjum til Vestmannaeyja tók um 52 klukkustundir og ekki er að sjá að siglingin hafi tekið á því Færeyingarnir léku á alls oddi.