B5 lokar: Fjörið „komið yfir á Exit“

Skemmtistaðurinn B5 hefur lokað dyrum sínum og mun ekki opna aftur eins og til stóð. 

Þetta staðfestir Sverrir Einar Eiríksson, veitingamaður og eigandi staðarins í samtali við mbl.is, en hann kveðst segja skilið við Bankastrætið í góðri sátt við leigusala. 

Að sögn Sverris þurfa djammarar Reykjavíkur þó ekki að örvænta enda muni hann halda fjörinu gangandi á skemmtistaðnum Exit, sem hann hefur ákveðið að einbeita sér að. 

„Þetta var bara mesta fjör sem ég hef upplifað á B5 en nú er það bara komið yfir á Exit.“ 

Frétt af mbl.is

Exit og Nýju vínbúðinni lokað líka

Sverrir Einar Eiríksson og Vesta Minkutu eigendur staðarins.

Ekki átt sjö dagana sæla

Lögreglan innsiglaði nýverið þrjú fyrirtæki Sverris að beiðni skatta­yf­ir­valda: B5, Exit og Nýju vín­búðina. Hafa Nýja vínbúðin og Exit verið opnuð að nýju. 

Auk þess var hóteli Sverris, Brim, ítrekað lokað og gest­um vísað burt þar sem að hót­elið skort­i til­skil­in rekstr­ar­leyfi frá sýslu­manni. Aðspurður segir Sverrir hótelið nú hafa tilskilin leyfi og kveðst horfa jákvæður fram á við. 

Frétt af mbl.is

Undrandi yfir framgöngu lögreglu

• Blogga um frétt