Farþegar Boeing 737 Max 9 vélar Alaska Airlines heyrðu dynk áður en súrefnisgrímur féllu niður í flugi þeirra á leið til Kaliforníu.

Þá hafði myndast stórt gat á vélinni, sem einn farþegi taldi á stærð við ísskáp, og blés vindur á farþega sem sátu gatinu næst. Tvennum sögum fer af því hvort farþegar hafi setið í sætaröð við gatið.

Frétt af mbl.is

Nauðlenti eftir að gat kom á farþegarými vélar

Peysan sogast út um gluggann

Farþegar lýsa hörmulegri reynslu í samtali við fréttastofu BBC.

„Ég heyrði að strákur hefði setið í röðinni við gatið og að peysan hans hefði sogast út um gluggann. Móðir hans hélt fast í hann til þess að hann færi ekki með,“ segir Evan Smith, einn þeirra 171 farþega sem voru um borð í vélinni. Farþeginn Diego Murillo sagði að gatið hefði verið um það bil á breidd við ísskáp.

Elizabeth Lee, sem var einnig um borð í vélinni sagði: „Það vantaði hluta af vélinni og blés vindur inn í vélina með miklum látum. En allir héldu ró sinni og voru í sætum sínum með belti.“

Þá sagði farþeginn Jessica Montoia ferðin hafi verið „frá helvíti“ og að maður hefði misst símann sinn út um gatið í látunum.

Tengdar fréttir

Boeing

Rannsaka hvort starfsmenn hafi falsað gögn

• Þurftu að nauðhemla til að stöðva flugtak
• Vélarhlíf datt af í miðju flugi
• Hafnaði 400 milljón króna bónus
• Forstjóri Boeing víkur úr starfi

» Fleiri tengdar fréttir

• Blogga um frétt