Íbúar Isíum hreyttu fúkyrðum í hvorn annan í dag er fréttamaður AFP bar að garði. Ásakanir um föðurlandssvik flugu á milli manna og var sumum ansi heitt í hamsi.
Isíum var nýlega frelsuð undan valdi Rússa, en borgin hafði verið hernumin frá því í apríl.
Um 50 þúsund manns bjuggu í borginni í febrúar og er þar aðallega töluð rússneska. Talið er að um 25 þúsund manns búi þar nú.
Eins og mbl.is greindi frá fyrr í kvöld þá hefur fundist fjöldagröf í skógi við borgina.