Ekkert að fela nýfundna ást sína
Setja bókamerki
Tengdar fréttir
Poppkúltúr
Leikararnir Joshua Jackson og Lupita Nyong’o eru ekkert að fela nýfundna ást sína fyrir umheiminum. Myndir náðust af þeim saman á strönd í Mexíkó á sunnudag, nánar tiltekið í Puerto Vallarta. Parið geislaði af hamingju og væntumþykju. Myndirnar, sem birtust á vef E! News, sýna parið meðal annars í innilegum faðmlögum.
Sögusagnir fóru á flug á samfélagsmiðlum í október um að Jackson og Nyong’o væru byrjuð að hittast. Á þeim tíma voru einungis örfáir dagar frá því að leikkonan Jodie Turner-Smith hafði sótt um skilnað frá Jackson, en þau höfðu verið gift í tæplega fjögur ár og eiga eina dóttur.
Nyong’o, sem hlaut Óskarsverðlaun fyrir hlutverk sitt í kvikmyndinni 12 Years a Slave, fagnaði 41 árs afmæli sínu þann 1. mars síðastliðinn og er talið að Jackson hafi boðið henni í sérstaka afmælisferð til Mexíkó.
Jackson og Nyong’o sáust á stefnumóti í Joshua Tree í Kaliforníu í árslok þar sem þau gengu hönd í hönd. Myndirnar birtust rúmri viku eftir að þau sáust saman á tónleikum.
Tengdar fréttir
Poppkúltúr
Sérkennilegt hjá borginni
Samningurinn samræmi bæði vinnuskil og vinnutíma
Kristrún og Bjarni tókust hart á um efnahagsmálin
Hættu við vopnasendingu til Ísraels
Þurfa að taka myndir áður en goslokum er lýst yfir
Mældist á 174 km hraða í gegnum vinnusvæði
„Farnir að halda verðbólgunni uppi“
Þrefalt stærra en gosin í desember og janúar