Swift slær Spotify-met
Setja bókamerki
Tengdar fréttir
Ást í Hollywood
Nýja plata tónlistarkonunnar Taylor Swift, The Tortured Poets Department, hefur slegið hlustunarmet Spotify yfir flestar hlustanir á einum degi.
Þá sló hún annað met, sem sá staki listamaður sem hefur fengið flestar hlustanir á einum degi á Spotify.
Nýja plata Swift kom út í gær, en BBC greinir frá.
31 nýtt lag
Platan inniheldur 31 nýtt lag. Í fyrstu voru einungis gefin út sextán lög en örfáum klukkustundum síðar gaf tónlistarkonan út 15 lög til viðbótar, öllum að óvörum.
Swift er sögð opinbera reiði sína í garð fyrrverandi elskhuga og ástarsorg á nýju plötunni. Kunnuglegt stef í tónlist stórstjörnunnar.
Ástarsambönd söngkonunnar hafa verið mikið til tals að undanförnu eftir að hún og breski leikarinn Joe Alwyn hættu saman eftir liðlega sex ára samband.
Kaflaskil í lífi Taylor
Taylor hefur gefið það út í tengslum við plötuna að platan væri ákveðin kaflaskil í lífi hennar: „Þessi kafli er kominn á bak við lás og slá. Ég hef einskis að hefna, einskis til að semja til sáttar, sárin hafa gróið,“ er haft eftir söngkonunni í umfjöllun BBC.
Eftir sambandslit Swift og Alwyn tók hún saman við söngvara hljómsveitarinnar The 1975, Matt Healy, en það samband varði einungis í rúman mánuð. Sambandið kom mörgum aðdáendum söngkonunnar að óvörum.
Nú hefur Swift tekið saman við NFL-meistarann Travis Kelce og vakið mikla athygli fyrir.
Tengdar fréttir
Ást í Hollywood
Stofna framkvæmdanefnd um málefni Grindavíkur
„Byggja varnargarð utan um fólkið okkar“
Dómari vanhæfur í Hvammsvirkjunarmáli
Framboð Viktors metið gilt
Um 5.000 milljarðar í enduruppbyggingu
90% samþykktu verkfallsaðgerðir
Olíufélögin fái milljarða í afslátt frá borginni
Ótímabundin leyfi verði líklega ekki gefin út
