Þriggja ára ofuraðdáandi Laufeyjar miður sín yfir atvikinu
Setja bókamerki
Tengdar fréttir
Laufey
Í gær, mánudag, fór myndband af leiðinlegu atviki á tónleikum Laufeyjar Lín Jónsdóttur á flug á samfélagsmiðlum og vakti mikla reiði. Í myndbandinu má heyra hóp af áhorfendum byrja að öskra gríðarlega hátt í miðju lagi og trufla aðra tónleikagesti, en tónleikarnir sem um ræðir voru í Dallas í Texas.
Meðal áhorfenda á tónleikunum var Leon, þriggja ára gamall ofuraðdáandi Laufeyjar, sem fékk langþráðan draum sinn loksins uppfylltan. Móðir drengsins deildi þó nokkrum myndskeiðum frá kvöldinu á TikTok sem hafa sprengt krúttskalann, en í einu myndbandinu ræðir hann atvikið við móður sína.
„Leon, manstu eftir stelpunum sem voru að öskra þegar Laufey var að syngja í gærkvöldi? Hvað finnst þér um það?“ spyr móðir hans í upphafi myndbandsins.
„Þær voru mjög slæmar og mér líkaði ekki við þær því þær öskruðu svo rosalega hátt,“ svarar Leon.
Þá spyr móðir hans hvað hann hafi sagt við þær og af hverju. „Að hætta! Að hætta að öskra! Vegna þess að þær voru að trufla sýninguna hennar,“ svarar hann.
„Ég elska þig Laufey“
Þrátt fyrir að atvikið hafi vakið mikla athygli og reiði meðal áhorfenda og annarra aðdáenda þá átti sér einnig stað skemmtilegt augnablik þar sem Leon bræddi hjörtu Laufeyjar og tónleikagesta þegar hann kallaði upp á sviðið: „Ég elska þig Laufey.“
Eins og sjá má á myndböndunum skemmti Leon sér konunglega á tónleikunum en hann kann textana að sjálfsögðu utan að.
Tengdar fréttir
Laufey
Stjórnvöld hafa tvo mánuði til að bregðast við
Stofna framkvæmdanefnd um málefni Grindavíkur
229 slösuðust alvarlega í umferðinni
90% samþykktu verkfallsaðgerðir
„Eyddi nánast allri nóttina í þetta“
„Fólk þolir óvissu í ákveðinn tíma“
Olíufélögin fái milljarða í afslátt frá borginni
