Opnaði sig um meint framhjáhald eiginmannsins
Setja bókamerki
Tengdar fréttir
Poppkúltúr
Leikkonan Natalie Portman hefur nú opnað sig í fyrsta sinn um meint framhjáhald eiginmanns hennar, ballettdansarans Benjamin Millepied. Hjónin standa í skilnaði en Portman sótti um lögskilnað síðla síðasta sumar.
Fregnir af framhjáhaldi Millepied vöktu heimsathygli í júní í fyrra, en ballettdansarinn var ljósmyndaður ásamt Camille Étinne, 25 ára gömlum umhverfissinna, í Frakklandi. Er hann sagður hafa átt í ástarsambandi við Étinne, sem er 21 ári yngri en Millepied, í þó nokkurn tíma.
Portman ræddi við blaðamann tímaritsins Vanity Fair. Leikkonan sagði meðal annars frá því hvernig var að ganga í gegnum óvænta örðugleika í einkalífinu og það með ótal augu að fylgjast náið með hverju skrefi. Portman var stuttorð og sagði: „Þetta hefur verið hræðilegt og ég hef ekki meira um málið að segja.“
Millepied er víst niðurbrotinn og fullur eftirsjár. Hann er staðráðinn í að bjarga hjónabandi þeirra Portman að sögn náins vinar.
Portman, sem hreppti Óskarsverðlaunin fyrir hlutverk sitt í Black Swan, kynntist Millepied við gerð kvikmyndarinnar. Parið gekk í hjónaband árið 2012 og á tvö börn.
Tengdar fréttir
Poppkúltúr
Verðbólgan þrálátari en gert hafði verið ráð fyrir
Stýrivextir Seðlabankans óbreyttir
Þrefalt stærra en gosin í desember og janúar
„Aðför að samfélaginu í heild sinni“
Spá launahækkunum nokkuð umfram kjarasamninga
Samningurinn samræmi bæði vinnuskil og vinnutíma
María Sigrún svarar Degi fullum hálsi