Leikkonan Camila Morrone fagnaði 23 ára afmæli sínu á dögunum. Kærastinn hennar, hinn 45 ára gamli Leonardo DiCaprio hélt veislu til heiðurs henni á snekkju í Los Angeles á föstudaginn.
Kúrekaþema var í veislunni og náðust myndir af DiCaprio með kúrekahatt og andlitsgrímu sama dag.
Á meðal gesta voru leikkonan Nina Dobre, snjóbrettakappinn Shaun White og leikararnir Kevin Connoly og Lukas Haas.
Snekkjan, Leight Star Super Yacht, sigldi úr höfn í Marina Del Rey í Los Angeles um klukkan 11 fyrir hádegi og kom aftur í höfn um klukkan hálffimm síðar um daginn. DiCaprio og Morrone hafa verið í sambandi síðan í desember 2017.