Segir Musk ekki vera kominn með fjárfesta
Setja bókamerki
Tónlistarkonan Azealia Banks segist hafa verið heima hjá viðskiptamanninum og framkvæmdarstjóra Tesla, Elon Musk alla helgina. Banks skrifaði á Instagram að hún hafi eytt helginni heima hjá honum vegna þess að kærasta Musk, tónlistarkonan Grimes, hafi boðið henni að koma og semja tónlist. Banks segist þó ekki hafa séð tangur né tetur af Grimes alla helgina og að hún hafi beðið frá föstudegi til sunnudags eftir henni.
Elon Musk tísti í síðustu viku að hann væri kominn með fjármagn til að taka Tesla af hlutabréfamarkaði. Hann fylgdi tístinu eftir með bloggfærslu sem hefur valdið usla í viðskiptaheiminum. Azealia Banks sagði hins vegar að hún hafi orðið vitni að Musk í samningaviðræðum. Banks sagði í viðtali við Business Insider að um helgina hafi Musk ekki verið kominn með fjárfesta, líkt og hann sagði fyrir helgi. Hún sagði að hann hafi verið rauður í framan og stressaður í samningaviðræðum.
Sannsögli Banks hefur verið dregin í efa, en hún er þekkt fyrir að ljúga og fara yfir strikið á samfélagsmiðlum. Þá hafa talsmenn Musk sagt frásögn Banks vera uppspuna og Musk sjálfur segist aldrei hafa hitt tónlistarkonuna.
Málið hefur fengið mikla athygli á samfélagsmiðlum en Banks líkti verunni heima hjá Musk við hryllingsmyndina Get Out.
Bergnuminn í Hvalfirði
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Telur forsendur fyrir vaxtalækkun
Vonast til að tjaldbúðir við HÍ standi áfram
Nemendur í HÍ reistu tjaldbúðir án leyfis
Strand skemmtiferðaskips kallar á erlenda aðstoð
„Umsátursástand“