Verður með sérhannað hálsmen á morgun

Aron Hannes verður með hálsmen sem var sérhannað fyrir hann í atriðinu í Söngvakeppninni á Laugardaginn. 

„Já hún Kría hjá Pipar var búin að hanna logo með GD sem Ingi hjá Sign hannaði alvöru „bling“ út frá. Ég verð „blingaður" alla leið á laugardaginn og hálsmenið kemur ótrúlega vel út,“ segir Aron Hannes.

Hálsmenið er ekki af verri endanum.

„Þetta á vel við titil lagsins Golddigger, hugtak sem við þekkjum öll, sem er einstaklingur sem er í sambandi við einhvern fyrst og fremst til að fá eitthvað út úr því fjárhagslega. Við viljum þó taka fram að lagið fjallar um miklu meira en það.“

Hvað áttu við með því?

„Í rauninni er það fullt af myndlíkingum og lýsir sambandi þar sem annar aðilinn sýgur allt sem hann getur frá hinum; ást, orku og hamingju á meðan hann er hálfpartinn bjargarlaus því hann er blindaður af ást. Vinirnir eru að reyna að hressa gaurinn við og fá hann til að sjá að þetta sé sjúkt samband og ekki í lagi.“

• Blogga um frétt