Von um að komast af lista

Fatf, alþjóðlegur starfshópur sem vinnur gegn peningaþvætti og fjármögnun hryðjuverka, mun funda á föstudag um það hvort Ísland komist af hinum svokallaða „gráa lista“ sem landið komst á síðastliðið haust þegar ljóst þótti að stjórnvöld hefðu ekki getað sýnt fram á að peningaþvættisvarnir hér á landi væru í samræmi við kröfur hópsins.

Áslaug Arna Sigurbjörnsdóttir dómsmálaráðherra upplýsir í samtali í ViðskiptaMogganum í dag, að vinnuhópur frá FATF hafi komið hingað til lands í september og gert vettvangsathugun. Enn eigi eftir að taka ákvörðun um hvort Ísland verði tekið af listanum en hún voni það.

Í júní staðfesti allsherjarfundur á vettvangi FATF að Ísland hefði lokið aðgerðaáætlun sinni með fullnægjandi hætti en í kjölfarið var ljóst að sérstök úttekt yrði gerð á stöðu mála áður en landið yrði tekið af listanum.