Inn á vef Stangveiðifélags Akureyrar kemur fram að ágæt veiði sé búin að vera í Hörgá í Hörgársveit það sem af er sumri og hafi það aðallega verið sjóbleikjan sem hafi verið að koma á land.
Stefnir í betri veiði þar en síðasta sumar sem var reyndar eitt af þeim slökustu í manna minnum. Þegar hafa verið skràðar um 400 bleikjur það sem af er sumri og enn er einn og hàlfur mánuður eftir af veiðitímabilinu.
Stærsta bleikjan sem hefur verið skráð þetta sumarið er 63 cm og veiddist við Öxnhól á Lippu spún hinn 29. júlí á svæði 4B. Þà hafa verið bókaðir 36 urriðar og er sá stærsti 2,5 kg og veiddist á maðk á svæði 1 í svokölluðum Hofskíl. Því til viðbótar er búið að færa til bókar einn 2,5 kg lax sem náðist á land í Bægisárhyl á bleika Lippu spún hinn 2. ágúst.
Fram kemur að veiðimaður sem var á svæði 4 a nýlega og varð var við mikið líf á svæðinu og náði 14 bleikjum á þurrt og missti margar. Taldi hann að stór hluti aflans hefði verið haustbleikja sem er þá snemma á ferðinni í ár.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |