Vikulegar veiðitölur frá Landsambandi veiðifélaga

Vikuleg samantekt Landsambands veiðifélaga á veiði í 25 laxveiðiám á landinu birtist í gærkvöldi. Samkvæmt samantektinni er Þverá/Kjarrá  efst á listanum og þar rétt á eftir er Miðfjarðará á fljúgandi siglingu.

Þverá/Kjarrá er enn efst á listanum þar sem veiðin er komin í 1.238 laxa og þar veiddust 237 laxar í síðastliðinni viku. Á sama tíma í fyrra voru 1.153 laxar komnir á land og er veiðin því orðin 85 löxum meiri núna. Í öðru sæti er Miðfjarðará, 1.202, en í síðastliðinni viku veiddust þar 453 laxar, en á sama tíma í fyrra var búið að veiða þar 1.459 laxa. Þar er nú feikilega mikil veiði þessa daganna og veiddust til að mynda síðastliðinn sunnudag 99 laxar á stangirnar 10.

Vikulistinn yfir 10 efstu árnar lítur þannig út:

1. Þverá/Kjarrá 1.238 lax - vikuveiði 237 laxar.
2. Miðfjarðará 1.202 laxar - vikuveiði 453 laxar.
3. Norðurá 966 laxar - vikuveiði 172 laxar.
4. Ytri-Rangá 902 laxar – vikuveiði 332 laxar.
5. Blanda 763 laxar - vikuveiði 231 laxar.
6. Langá á Mýrum 731 laxar - vikuveiðin 199 laxar.
7. Urriðafoss í Þjórsá 583 laxar – vikuveiði 79 laxar.
8. Haffjarðará 547 lax – vikuveiði 127 laxar.
9. Grímsá í Borgarfirði 503 laxar - vikuveiði 142 laxar.
10. Elliðaárnar 475 laxar - vikuveiði 130 laxar.

Nánar má kynna sér þessa samantekt hér.  

• Blogga um frétt

Seinustu hundraðkallar sumarsins