Danski handboltamaðurinn Mikkel Hansen er orðinn markahæsti leikmaður í sögu EM karla í með 296 mörk eftir úrslitaleik Evrópumótsins gegn Frökkum í dag.
Fyrir mótið átti Guðjón Valur Sigurðsson metið með 288 mörk en fyrr á mótinu sló Frakkinn Nikola Karabatic metið. Hann endaði mótið með 295 mörk.
Mikkel Hansen skoraði níu mörk í kvöld í úrslitaleiknum og bætti þá metið hans Karabatic um eitt mark.
Handboltasérfræðingurinn Rasmus Boysen, benti á áhugaverða tölfræði á samfélagsmiðlinum X eftir leikinn og sagði að Hansen væri einnig markahæsti leikmaður í úrslitaleikjum mótsins, með 27 mörk. Þar á eftir er Karabatic með 22 mörk.
Most goals ever at European Championship finals:
— Rasmus Boysen (@RasmusBoysen92) January 28, 2024
1. Mikkel Hansen 27🆕
2. Nikola Karabatic 22#handball