Vinstrihreyfingin-grænt framboð kynnti í dag kosningastefnuskrá sína fyrir sveitarstjórnakosningarnar í maílok. Verður stefnuskráin borin í hvert hús á Akureyri. Meðal stefnumála flokksins er að Akureyrarflugvöllur verði lengdur þannig að beint farþega- og fraktflug til útlanda geti verið með reglubundnum hætti.
Þá vill flokkurinn nýta og útfæra möguleika sem opnast með beinu flugi til útlanda, Héðinsfjarðar- og Vaðlaheiðargöngum til kynningar og sölu á þjónustu og hráefni.
Þá vill flokkurinn m.a. byggja upp rannsóknarstofnun á sviði endurvinnsluiðnaðar við Háskólann á Akureyri þannig að Akureyri verði leiðandi á sviði endurvinnslu, og hraða framkvæmd á sjálfbæru samfélagi í Hrísey.