Eftirlit með hitaveitulögnum mun framvegis vera í höndum eigenda fasteigna Grindavíkurbæjar, komi til rýminga vegna jarðhræringa eða eldgosa.

Eftirlit almannavarna var einungis bundið við verðmætabjörgunaraðgerðir þar sem alvarlegum frostskemmdum á fasteignum var varnað í ársbyrjun 2024.

Þetta kemur fram í tilkynningu almannavarna.

Í kjölfar verðmætabjörgunaraðgerða á vegum almannavarna undanfarnar vikur hefur farið fram vinna við lagfæringar á stofnlögnum hitaveitukerfis bæjarins. Er því unnt að auka þrýsting og rennsli á heitu vatni til bæjarins.

Frétt af mbl.is

Óska eftir lyklum til að kanna ástand hitakerfa

Hægt að sækja lykla í vikunni

Almannavarnir óska nú eftir því að Grindvíkingar sæki lykla að eignum sínum. Verður hægt að nálgast þá í Kvikunni milli klukkan 9 til 20 frá miðvikudegi til föstudags og frá 9 til 17 á laugardag og sunnudag.

Komist eigendur ekki sjálfir að sækja lykla þarf að framvísa skriflegu umboði til þess að geta sótt lykla fyrir þeirra hönd.

Ákvörðun á ábyrgð eigenda

Þess má geta að við afhendingu eigna munu pípulagningamenn á vegum almannavarna ekki opna fyrir heitt neysluvatn í lagnagrind fasteignarinnar. Sú ákvörðun er á ábyrgð fasteignareiganda. 

Ef hleypa á heitu neysluvatni inn á fasteignina er mælt með því að húseigandi fái pípulagningarmann til að ástandskanna lagnirnar til þess að koma í veg fyrir og lágmarka líkur á tjóni innanhúss.

Tengdar fréttir

Eldvirkni á Reykjanesskaga

Atvinnuhúsnæði ekki keypt upp í Grindavík

• Líklegt að það dragi til tíðinda í þessari viku
• Gæti færst meiri kraftur í eldgosið
• Gosopið gæti stækkað á ný: „Eitthvað í aðsigi“
• Virknin færist í aukana innan 48 tíma

» Fleiri tengdar fréttir

• Blogga um frétt