Jarðskjálftavirkni við Grímsey hefur aukist í nótt og er nú svipuð og fyrir helgi. Ríflega 750 skjálftar hafa mælst frá miðnætti, þar af 15 yfir þremur að stærð samkvæmt óyfirförnum niðurstöðum Veðurstofu Íslands. Þetta segir Lovísa Mjöll Guðmundsdóttir, náttúruvársérfræðingur hjá Veðurstofu Íslands.

Jarðskjálfti af stærðinni 4,2 reið yfir laust eftir klukk­an eitt í nótt um 10 km norðan við Gríms­ey. Að sögn Lovísu Mjallar hafa þrjár tilkynningar borist Veðurstofu um að skjálftinn hafi fundist. Var ein þeirra frá Þórshöfn og tvær frá Húsavík. 

Frétt af mbl.is

4,2 stiga skjálfti norðan við Grímsey

Nokkrir eftirskjálftar hafa fylgt í kjölfarið en samkvæmt mælingum Veðurstofunnar, sem búið er að fara yfir, var að minnsta kosti einn 3,7 að stærð og annar 3,5 að stærð. Samkvæmt sjálfvirka matinu hafa þó 15 skjálftar yfir þremur að stærð mælst eftir miðnætti.

Upptök skjálftanna er yfirleitt á 10 til 12 km dýpi en þeir verða vegna spennu­los­un­ar á fleka­skil­un­um og eru eng­in merki um gosóróa, að sögn Lovísu Mjallar. 

Tengdar fréttir

Jarðskjálftahrina við Grímsey

Aflýsa óvissustigi vegna skjálftahrinu við Grímsey

• „Hrinan gæti aukist aftur en líka dáið alveg út“
• Nálgast bráðum 10 þúsund skjálfta
• Yrðu líklega vör við eldgos nálægt Grímsey
• Upptökin á eldvirku svæði

» Fleiri tengdar fréttir

• Blogga um frétt