Mikill reykur stígur upp úr gámi á Fiskislóð við athafnasvæði Hringrásar og er slökkviliðið á höfuðborgarsvæðinu á leiðinni á vettvang.
Varðstjóri slökkviliðsins gat ekki gefið fleiri upplýsingar um málið að svo stöddu.
Fréttin verður uppfærð.
Að sögn varðstjóra kviknaði í gömlu einangrunarplasti í gáminum og er slökkviliðið að vinna í því að slökkva eldinn.
Engin hætta er á að eldurinn breiðist út.
Samkvæmt upplýsingum mbl.is kviknaði eldurinn í svokölluðum skúffugámi en í honum er efni úr húsi sem er verið að rífa á svæðinu.
Uppfært kl. 18.10:
Slökkviliðið lauk störfum um fjögurleytið eftir að hafa slökkt eldinn.
Starfsmenn frá Hringrás, sem er eigandi gámsins, komu með krabbakló til að aðstoða slökkviliðið á vettvangi.