Nýr vefur opnar í lok vikunnar
Setja bókamerki
Nýr vefur með upplýsingum um kostnað alþingismanna opnar í lok vikunnar ef allt gengur að óskum. Þetta segir Helgi Bernódusson, skrifstofustjóri Alþingis.
„Þetta er snúið tæknilega og byggir á samvinnu milli tölvudeildar og fjármáladeildar okkar og þess fyrirtækis sem þjónustar bókhaldskerfið okkar,“ segir Helgi. Hann segist jafnframt jákvæður með að sú áætlun sem lagt var upp með, að vefurinn opni í vikunni, muni standast.
Í síðustu viku var opnað fyrir 1. áfanga nýrrar upplýsingasíðu á vef Alþingis en þar birtast fastar launagreiðslur til þingmanna og fastar kostnaðargreiðslur. Þær síðarnefndu eru frá 30 þúsund upp í 258 þúsund krónur.
Í lok þessarar viku opnar 2. áfangi vefsíðunnar þar sem birtast upplýsingar um breytilegar greiðslur þ.m.t. endurgreiðslur fyrir útlögðum ferðakostnaði.
40 skjálftar í kvikuganginum
Isavia hlaut ekki meðbyr í Hæstarétti
Bjóða fólki að færa sig um flug
Áfram í haldi grunaður um manndráp
Viðræðurnar á viðkvæmu stigi
„Ég á mjög mikið inni“
Vinna hafin við gerð nýs varnargarðs
„Greinlega allt á réttri leið“