Fylgjast náið með Grímsfjalli

Nokkur skjálftavirkni virðist vera enn í kringum Grímsfjall, eftir að skjálfti upp á 4,2 stig mældist við Grímsfjall laust fyrir hálf tíu í morgun. Ekki liggur fyrir hvort hætta sé á því að eldgos hefjist á svæðinu. Veðurstofan fylgist vel með stöðu mála en segir að engin merki séu um gosóróa.

Jarðskjálftar eru algengir á þessu svæði og eru Grímsvötn ein virkasta eldstöð landsins. Eftir að hlaup hófst í Gígjuhvísl þann fyrsta nóvember síðatliðinn, töldu margir að eldgos á svæðinu myndi fylgja í kjölfarið.

Fram kemur á vef almannavarnadeildar ríkislögreglustjóra, að Veðurstofan fylgist með framvindu mála og upplýsi almannavarnadeild ríkislögreglustjóra.

• 2 blogg um fréttina

Bloggað um fréttina

• Ómar Ragnarsson: Öxullinn Bárðarbunga-Grímsvötn.
• Sigurður Haraldsson: Gott.