Donald Trump, fyrrverandi Bandaríkjaforseti, hefur verið gagnrýndur fyrir að deila myndskeiði af pallbíl með mynd af Joe Biden Bandaríkjaforseta aftan á pallinum, og sýnir hann með hendur og fætur bundnar, líkt og er gert við dýr. 

Myndbandinu deildi Trump á samfélagsmiðlinum sínum Truth Social. Það sýnir tvo pallbíla keyra á hraðbraut með skilti og fána til stuðnings Trump, auk myndarinnar af Biden á öðrum þeirra.

Talsmaður kosningateymis Bidens sagði Donald Trump ítrekað ala á pólitísku ofbeldi og sagði tímabært að taka hann alvarlega.

„Spyrjið bara lögreglumennina við þinghúsið sem urðu fyrir árás við það að vernda lýðræðið okkar 6. janúar [2021],“ sagði Michael Tyler, talsmaður kosningateymis Bidens.

Talsmaður kosningateymis Trumps sagði hins vegar að demókratar hefðu ekki aðeins alið á ofbeldi gegn Trump og fjölskyldu hans, heldur væru þeir einnig að vopnavæða réttarkerfið gegn honum.

Tengdar fréttir

Donald Trump fyrrverandi Bandaríkjaforseti

Sagðist hafa þaggað niður neikvæða umfjöllun

• Segir Trump ekki sekan
• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu

» Fleiri tengdar fréttir

Forsetakosningar í Bandaríkjunum 2024

Biden svarar kalli Trumps

• Trump með forskot í sex af sjö lykilríkjum
• Biden vill lækka námslánaskuldir
• Trump lætur Biden fá það óþvegið
• Joe Biden tryggir sér tilnefningu Demókrata

» Fleiri tengdar fréttir

• Blogga um frétt