Kyrrsetja 170 Boeing 737 flugvélar
Setja bókamerki
Bandarísk flugmálayfirvöld (FAA) hafa ákveðið að kyrrsetja 170 Boeing 737 Max 9 vélar eftir að flugvél Alaska Airlines af sömu gerð þurfti að nauðlenda í gær í kjölfar þess að gluggi í farþegarýminu gaf sig og stórt gat myndaðist.
Krefst FAA „tafarlausrar skoðunar“ á vélunum áður en þær fara aftur í flug, segir í yfirlýsingu FAA.
Ætti skoðun á hverri flugvél að taka á bilinu fjórar til átta klukkustundir.
Í tísti Alaska Airlines segir að búið sé að skoða ríflega fjórðung Boeing 737 Max 9 flota flugfélagsins og að ekkert óeðlilegt hafi komið í ljós.
Verða flugvélarnar aftur teknar í notkun þegar skoðun er lokið.
Fjórar vélar af sömu gerð
Icelandair rekur fjórar flugvélar af sömu gerð. Vélarnar eru Kirkjufell, Langjökull, Hvítserkur og Baula.
Guðni Sigurðsson, upplýsingafulltrúi Icelandair, sagði við mbl.is fyrr í dag að félagið væri að afla sér upplýsinga og fylgdist vel með málinu.
Sleppt úr varðhaldi: Búið að klippa kanta á seðlum
„Miklar líkur á rýmingu á næstu sólarhringum“
Var sofandi þegar slökkvilið bar að garði
Skuldahalinn lengist í Reykjavík
Eldgosinu lokið en getum búist við öðru
Kíghósti á töluverðri dreifingu í samfélaginu
Næsta eldgos fær mikið forskot
