Trump sakar Biden um að liðsinna Hamas
Setja bókamerki
Tengdar fréttir
Ísrael/Palestína
Donald Trump, fyrrverandi Bandaríkjaforseti, sakar Joe Biden Bandaríkjaforseta um að vera með Hamas-hryðjuverkasamtökunum í liði.
Biden sagði í viðtali við CNN á miðvikudag að hann myndi aftra vopnasendingum til Ísraelsmanna ef þeir fylgdu hótunum sínum eftir um að gera allsherjar innrás í Rafah á Gasaströndinni.
Trump telur að Biden sé með þessu að taka afstöðu með Hamas.
Ísraelsmenn halda því fram að síðustu vígasveitir Hamas séu til húsa í Rafah og réðust þeir inn í austurhluta borgarinnar, þvert á varúðarorð Bandaríkjaforseta.
Tekur afstöðu með „róttækum múslimum“ við háskólana
„[Biden] tekur afstöðu með þessum hryðjuverkamönnum, rétt eins og hann hefur tekið afstöðu með róttæku múslimunum sem leggja háskólasvæðin okkar undir sig,“ skrifar Trump á samfélagsmiðlinum Truth Social. Hann vísar þar einnig til mótmæla sem stúdentar hafa efnt til vestanhafs í tengslum við stríðið á Gasaströndinni.
Trump sagði í samtali við fréttamenn í New York í gær, fyrir utan dómssalinn þar sem réttarhöld yfir honum standa yfir, að „það sem Biden er að gera gagnvart Ísrael er svívirðilegt“.
„Hann hefur algjörlega yfirgefið Ísrael og það trúir því enginn,“ sagði Trump, sem verður að öllum líkindum mótframbjóðandi Bidens í kosningunum í nóvember.
Tengdar fréttir
Ísrael/Palestína
„Þær áttu bara að læra sína lexíu“
Fann bein og tönn úr dýrum í sprungunni
Ráðist á ferðamenn: „Það var blóð alls staðar“
Alþjóðlegi sakamáladómstóllinn vill handtaka Netanjahú
Veita fyrirtækjum brú yfir óvissutímabil
Þyrla forsetans lenti í „slysi“
„Söguleg óvirðing sem gleymist aldrei“
Forsetinn og utanríkisráðherrann látnir