Fjölmargir hafa lagt leið sína í dýragarðinn í Tókýó í dag og undanfarna daga enda hver að verða síðastur til þess að óska Shin Shin velfarnaðar áður en hún leggst á sæng.

Pandan Shin Shin er 11 ára gömul og í febrúar varð hún þunguð eftir ástarfund með Ri Ri í dýragarðinum. Pöndur eru afar klunnalegar þegar kemur að ástaratlotum og eru karldýrin einstaklega lagin við að misreikna sig í hvenær og hvort kvendýrið hafi áhuga. Því þykir það mikill viðburður ef mökunin gengur upp. 

Shin Shin lét ekki þessa miklu athygli trufla sig við að snæða morgunverðinn í dag. Í fyrramálið verður hún flutt úr kastljósinu og fær að vera í næði fram yfir fæðingu. Ri Ri, sem er í rýminu við hliðina Shin Shin, virtist hins vegar undrandi yfir allri þessari athygli sem hún fékk en hann ekki. 

Shin Shin eignaðist hún árið 2012 og var það í fyrsta skipti í 24 ár sem panda fæðist í dýragarðinum í Tókýó. En hann lifði aðeins í sex daga er lungnabólga dró hann til dauða.

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt