„Það er erfitt fyrir mann að búa í þessum heimi núna. Búandi við þennan fréttaflutning og reyna að finna einhverja von. Maður þarf að berjast við það að vera í góðu skapi en þá mætir listin,“ segir Páll Óskar og lýsir breyttri heimsmynd í Dagmálum.

Páll Óskar er þekktur fyrir lítið annað en einlægni í samræðum. Segist hann finna mikla von og ljós í listinni þegar veröldin virðist grá í hinu daglega amstri.

„Í bestu tilfellunum gefur þetta þér ljós í hjartað, eða ljósaperu í hausinn, eða smá ljós í magann.“

Oft verið ástfanginn af fólki sem er ekki til

Sálin nærist ekki á samfélagsmiðla skrolli

Þá talar Páll Óskar einnig um það hversu mikilvægt það er að rækta sinn eigin garð og þá sérstaklega þegar kemur að líkamlegri og andlegri heilsu. Hann segir fátt mikilvægara en að huga vel og vandlega að heilsunni og að það sé eitt af því sem hann hefur tileinkað sér að gera daglega.

„Þetta gengur bæði út á það hjá mér að fara vel með skrokkinn og andann. Ef ég passa upp á það hvað ég borða og hreyfi mig reglulega að þá þarf ég líka að passa upp á það hvað ég gef sálinni sem býr hérna í þessu musteri mínu. Og ég má ekki næra sálina bara á einhverju samfélagsmiðla skrolli sem er endalaust og hannað til að gera mann húkt.“

Brot úr viðtal­inu má sjá hér að ofan. Dag­mál eru í heild sinni aðgengi­leg áskrif­end­um Morg­un­blaðsins en einnig er mögulegt að gerast vikupassa áskrifandi.

Smelltu hér til að horfa á Dagmál. 

Tengdar fréttir

Dagmál

Upphafsfasinn hættulegastur

• 70% Íslendinga nota lyf að staðaldri
• Áður séð sama fjölda manndrápsmála
• Aðeins 10-12% kynferðisbrota tilkynnt
• Keypti Hvítasunnudag fyrir svimandi upphæð

» Fleiri tengdar fréttir

• Blogga um frétt