Shakira fer í hart
Setja bókamerki
Kólumbíska söngkonan Shakira hefur ákveðið að hafna samningi spænskra stjórnvalda um að greiða niður 14,5 milljónir evra skattaskuld. Greint var frá þessu í gær, miðvikudag, en Shakira hefur verið ákærð fyrir skattsvik.
Í tilkynningu sem send var út fyrir hönd Shakriu í gær segir að hún trúi því að hún sé saklaus, og vilji að málið verði látið í hendur dómstóla. Ef hún verður dæmd sek á hún yfir höfði sér fangelsisdóm og þarf að greiða háa sekt.
Spænsk stjórnvöld ákærðu söngkonuna árið 2018 fyrir að hafa ekki greitt skatt af tekjum sínum á árunum 2012 til 2014. Almannatenglafyrirtæki á snærum Shakiru hefur haldið því fram að hún hafi greitt umrædda upphæð, 14,5 milljón evra, og skuldi ríkinu ekki lengur neitt.
Fyrrverandi eiginmaður hennar, fótboltamaðurinn Gerard Piqué, hefur einnig lent í vandræðum er varða skatta. Árið 2019 var hann dæmdur fyrir skattsvik. Hans skattsvik náðu til áranna 2008 til 2010. Shakira og Piqué greindu frá skilnaði sínum í byrjun sumars en saman eiga þau tvö börn.
Isavia hlaut ekki meðbyr í Hæstarétti
Vinna hafin við gerð nýs varnargarðs
Áfram í haldi grunaður um manndráp
Hyggst halda sauðfé á Bessastöðum
Innri endurskoðun gerir úttekt á máli olíufélaganna
„Verulega brugðið að sjá þennan þátt“
/frimg/1/43/55/1435516.jpg)
„Margir sem keyra bara eins og fífl“