Vilhjálmur Bretaprins er 35 ára en var ekki gamall þegar hár hans byrjaði að þynnast. Vilhjálmur virðist loksins vera tilbúinn að taka hárleysið í sátt og hefur sjaldan skartað jafnþunnu hári.
Það vakti athygli á dögunum þegar Vilhjálmur skartaði nýrökuðum kolli í heimsókn á barnaspítala. Glansandi skallinn var í aðalhlutverki og rétt glitti í stutt hár í hliðunum.
Eins og sjá má á mynd síðan í desember hefur Vilhjálmur látið taka mun meira af hárinu nú en áður. Hann getur þó huggað sig við það að hann er annar í erfðaröðinni og bíður hans því væntanlega kóróna sem getur falið sístækkandi skallann.