Veiði | mbl | 27.6.2017 | 17:03 | Uppfært 29.6.2017 6:18

Byrjar með látum í Stóru Laxá

Einn af 12 löxum sem Árni Baldursson veiddi á efsta svæðinu í Stóru Laxá í dag. Árni Baldursson

Efsta svæðið í Stóru Laxá í Hreppum opnaði í morgun og byrjaðí veiði af miklum krafti.

Samkvæmt fyrstu fréttum þaðan veiddust á morgunvaktinni 16 laxar. Árni Baldursson, hjá Lax-á sem heldur utan um veiðirétt í ánni, greindi svo frá því núna í kvöld að hann sjálfur hefði landað 12 í dag og misst marga og fengið ennþá fleiri tökur.

Lauk hann veiðum snemma í kvöld og reiknaði með að um 30 laxar myndu koma á land þennan fyrsta dag, en veitt er á fjórar stangir á þessu mikilfengna veiðisvæði. Þegar allir veiðimenn höfðu svo skilað sèr í hús reyndist dagsveiðin vera 25 laxar.

Neðri svæðin opna svo þann 29. júní og verður spennandi að fylgjast með útkomunni þar, en oftar en ekki gefur efsta svæðið best í upphafi vertíðar. Fyrstu laxarnir sáust á Hólmabreiðu fyrstu vikuna í júní.

Frá efsta svæðinu í Stóru Laxá. lax-a.is

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.